لاہور(سپورٹس رپورٹر)پاکستان نمبر ون اولمپیئن بیڈ منٹن پلیئر ماحور شہزاد نے بیڈمنٹن ٹیم کو دستے میں شامل کرنے پرپاکستان اولمپک ایسوسی ایشن کا شکریہ ادا کیا۔کامن ویلتھ گیمز کیلئے پاکستان بیڈ منٹن کو پاکستان اولمپک ایسوسی ایشن سپانسر کر رہی ہے۔اولمپیئن ماحورشہزاد نے کہا کہ پی اواے کے مشکور ہیں جو بیڈمنٹن ٹیم کو سپانسر کر رہی ہے، پاکستان سپورٹس بورڈ نے بیڈمنٹن ٹیم کو عین وقت پردستے سے ڈراپ کر دیا تھا۔یاد رہے کہ پاکستان سپورٹس بورڈ نے چار کھلاڑیوں اور دوآفیشلز کی ٹیم کو دستے سے نکال دیا تھا۔بیڈ منٹن سٹار نے کہا کہ ٹرائلز کے بعد ٹیم منتخب ہوئی ، کیمپ لگایا، لیکن دستے سے نکال دیا، ارباب اختیار سے درخواست ہے کہ کھلاڑیوں کا خیال رکھا جائے، عین وقت پر دستے سے ایسے نہ نکالا جائے ، پہلے ہی انٹرنیشنل مقابلے کم ملتے ہیں۔ کھلاڑیوں کو انٹر نیشنل مقابلوں سے محروم رکھنا درست نہیں، گیمز میںشرکت سے کرنے سے الگ ہی تجربہ حاصل ہوتا ہے۔