(نوائے وقت رپورٹ) رواں سال دنیا کے طاقتور ترین پاسپورٹس کے حامل ممالک کی فہرست جاری کر دی گئی۔ جاپان کا پاسپورٹ نمبر ون قرار دیا گیا ہے۔ ایک سو بارہ ممالک کی لسٹ میں پاکستان کا ایک سو نواں اور افغانستان کا آخری نمبر ہے۔ سنگاپور اور جنوبی کوریا دوسرے نمبر پر براجمان ہے۔ 2022ء میں دنیا کے طاقتور ترین پاسپورٹس کی فہرست جاری کردی گئی۔ پاسپورٹس کی عالمی رینکنگ میں جرمنی اور سپین کے پاسپورٹس بھی مشترکہ طور پر تیسری پوزیشن پر ہیں۔ برطانیہ، فرانس، آئرلینڈ اور پرتگال کا فہرست میں مشترکہ طور پر چھٹا نمبر ہے جبکہ امریکا، سویٹزرلینڈ، ناروے، نیوزی لینڈ اور بیلجیئم ساتویں نمبر پر ہیں۔ ممالک کی فہرست میں بھارت کا 87 واں، بنگلادیش کا 104 نمبر ہے۔