لاہور(سپورٹس رپورٹر)سابق کپتان جاوید میانداد نے گال ٹیسٹ میں پاکستان کی شاندار جیت پر خوشی کا اظہار کرتے ہوئے کہا ہے کہ جہاں کوئی نہیں ہوتا وہاں پاکستان ہمیشہ چمکتا ہے۔ پاکستان ٹیم نے ہمیشہ ریکارڈ بنائے ہیں، قومی ٹیم نے گال کے میدان میں نئی تاریخ رقم کی۔ بابر اعظم جیسا کپتان طویل عرصے بعد ملا ہے، پاکستانی کھلاڑی جیت کیلئے لڑتے نظر آرہے ہیں۔ پاکستان ٹیم بہت متحد ہو کر کھیل رہی ہے،  بابر اعظم اب میچیور کپتان بن چکے ہیں۔انہوں نے مشہورہ دیا کہ بابر اعظم جب تک کرکٹ کھیلیں، کپتان بن کر کھیلیں۔ سابق کپتان نے تجویز دی کہ جو آج اچھا کرلیا اس کو بھول جائیں کل پھر اچھا کرنا ہے اس کو یاد رکھیں۔ سابق کپتان شاہد آفریدی نے کہا ہے کہ گال میں ٹیسٹ میچ شاندار رہا، عبداللہ شفیق کی غیر معمولی اننگز ہمیشہ یاد رہے گی۔ یہ اننگز عبداللہ شفیق کو بڑا سٹار بنائے گی۔ سری لنکا کوبھی کریڈٹ جاتا ہے جنہوں نے اچھا مقابلہ کیا۔