لاہور(سپورٹس رپورٹر)سری لنکا کی معذرت کے بعد ایشیا کپ متحدہ عرب امارات منتقل کردیا گیا۔صدر بھارتی کرکٹ بورڈ سارو گنگولی نے کہا کہ سری لنکا کی معذرت کے بعد ایشیا کپ یو اے ای منتقل کردیا گیا ہے۔ ایشیا کپ 28 اگست سے 11 ستمبر تک یو اے ای میں کھیلا جائے گا۔ ایشیا کپ کے شیڈول کا اعلان جلد کیا جائیگا۔ واضح رہے کہ بھارتی کرکٹ بورڈ کے سیکرٹری جے شاہ ایشین کرکٹ کونسل کے صدر ہیں۔ کرکٹ سری لنکا نے ملک کی موجودہ سیاسی صورت حال کے پیش نظر  اے سی سی کو آگاہ کر کے ایشیا کپ 2022 کے انعقاد سے معذرت کر لی تھی۔ایشین کرکٹ کونسل کے حکام کا کہنا تھا کہ سری لنکن کرکٹ بورڈ نے بتایا ہے کہ ملک میں سیاسی اور معاشی بحران ہے جس کی وجہ سے  ایونٹ کا انعقاد ممکن نہیں ہے۔