فیروز والہ (نامہ نگار) لاہور روڈ کی آبادی حسن گارڈن میں 4 ڈاکوؤں نے وارث علی کے اہل خانہ کو یرغمال بنا کر10 لاکھ روپے کی رقم26 لاکھ روپے کے زیورات اور دیگر قیمتی سامان لوٹ کر لے گئے۔ کالا شاہ کاکو کے قریب ڈاکو ؤں نے حادثے میں زخمی ہونے والے نوجوان اسفتر یار ،دوست عدنان کو بھی لوٹ لیا۔ چوروں نے زمیندار شرافت علی کے ڈیرے میں داخل ہوکر 15 لاکھ روپے مالیت کے مویشی چوری کر کے لے گئے۔ جی ٹی روڈ پر راناٹاؤن فرید ڈاکوؤں نے مہران حسین اور اس کے ساتھی سے نقدی اور 2موبائل چھین کر لے گے۔ لاہور روڈ پر چوروں نے ایک فیکٹری میں داخل ہوکر 50 لاکھ روپے مالیت کا سامان قیمتی چوری کرکے لے گئے۔ پولیس نے فیکٹری مالک شہزاد کی رپورٹ پر پولیس نے مقدمہ درج کرلیا۔ ڈاکو نے ایک فیکٹری میں داخل ہوکر اس کے مالک محمد بلال فورمین کو جان سے مار دینے کی دھمکی دے کر ساڑھے 3 لاکھ روپے رقم چھین کر لے گئے۔ شرقپور روڈپر ڈاکوؤں نے ناکہ لگا کر متعدد راہگیروں سے ہزاروں روپے کی رقم اور 4 موبائل چھین کر لے گئے۔ نامعلوم افراد نے مختلف علاقوں سے 5موٹرسائیکل ایک کار چوری کرلیں۔