کامونکی(نمائندہ خصوصی)پی ٹی آئی کی مقبولیت سے خائف حکومتی اتحادی جماعتیں ملکر بھی عمران خان کا مقابلہ نہیں کرسکتیں، پی ٹی آئی عام انتخابات میں کپتان عمران خان کی پرجوش قیادت میں وفاق سمیت تمام صوبوں سے واضح برتری کے ساتھ کامیاب ہو گی ،ان خیالات کا اظہار پاکستان تحریک انصاف کے رہناؤں سابق وفاقی وزیر رانا نزیر احمد خاں ،چودھری احسان اللہ ورک،سیٹھ عبدالرب عدنان،چودھری عرفان یونس ورک،چودھری محمد نعیم بلا اور میاں عبدالشکور نے اپنے بیان میں کیا۔انہوں نے کہاکہ مسلم  لیگ ن ایک سازش کے تحت عدلیہ کو دباؤ میں لانے کیلئے اپنے ارکان سے جھوٹی پریس کانفرنسیں کروا رہی ہے آئین پاکستان میں واضح طور پر لکھا ہے کہ پارلیمانی لیڈر ہی اپنے اراکین کو ووٹ ڈالنے کے بارے میں ہدایت دے سکتا ہے۔