لاہور(سپورٹس رپورٹر)حیدر حسین نے پاکستان ہاکی فیڈریشن کے قائم مقام سیکرٹری کا عہدہ سنبھال لیا ،نیشنل ہاکی سٹیڈیم لاہور پہنچنے پر ڈھول کی تھاپ پر حیدر حسین کا استقبال کیا گیاتھے ۔حیدر حسین کے کراچی سے نیشنل ہاکی سٹیڈیم لاہورپہنچنے پر شاندار استقبال کیا گیا ۔ڈھول کی تھاپ پر پھوں کی پتیاں نچھاور کی گئیں اور ہار پہنائے گئے۔ حیدر حسین نے کہا کہ انہیں جوذمہ داریاں دی گئیں ان کو احسن طریقے سے نبھائیں گے۔ اس دوران انہیں لاہور قلندرز کا بھی تعاون حاصل رہے گا۔سی ای او لاہور قلندرز عاطف رانا نے کہا کہ حیدر حسین ایک اچھی چوائس ہیں ۔بے لوث کام کرنے والے ہیں ان کیساتھ تین سال سے تعلق ہیں ‘اس عہدے پر کامیاب ہوں گے۔حیدر حسین نے سیکرٹری کے کمرے میں پہنچ کر اپنی ذمہ داریاں سنبھالیں اور مبارکبادیں وصول کیں۔