کابل کرکٹ سٹیڈیم میں دھماکا، 4 افراد زخمی
کابل ( نیٹ نیوز) افغان دارالحکومت کابل کے انٹرنیشنل کرکٹ سٹیڈیم میں دھماکے میں 4 افراد زخمی ہو گئے ۔ افغان میڈیا کے مطابق کابل کے انٹرنیشنل سٹیڈیم میں افغان کرکٹ بورڈ کی جانب سے جاری ٹی 20 لیگ کے میچ کے دوران دھماکہ ہوا ۔ افغان کرکٹ بورڈ کے ایکزیکیٹو ڈائریکٹر نصیب خان نے میڈیا کو بتایا تمام کھلاڑی محفوظ ہیں لیکن سٹیڈیم میں میچ دیکھنے کے لیے آئے ہوئے تماشائیوں میں سے 4 افراد زخمی ہونے کی اطلاعات ہیں۔
