فیصل آباد (نمائندہ خصوصی) ڈکیتی، راہزنی اور چوری کی تین درجن وارداتوں میں لاکھوں روپے نقدی، طلائی زیورات، موبائل فونز، سامان، مویشی، کار، دو رکشے اور دس موٹر سائیکل چھین لیے گئے۔ تفصیل کے مطابق شیخوپورہ روڈ پر کلیم احسن کی فیکٹری اور 52 ج ب میں گورنمنٹ گرلز ایلیمنٹری سکول کا ڈاکو اور چور صفایا کر گئے۔ 112 گ ب میں فیضان الحق، 90 ر ب میں قیصر اسلم، 92 ر ب میں عاشق سے نقدی، موبائل فونز اور موٹر سائیکل اور چنیوٹ بازار چوک میں عثمان، محمد پورہ میں امتیاز وغیرہ سے لاکھوں روپے نقدی، درجنوں موبائل فونز اور قیمتی سامان مسلح ڈاکوؤں نے چھین لیا۔