لاہور(سپورٹس رپورٹر)کامن ویلتھ گیمز میں پاکستان کے باکسر الیاس حسین نے نے فیدر ویٹ میں لیسوٹوکے باکسر موروکی موکھوٹو کو آؤٹ کلاس کردیا۔ ریفری نے 2 منٹ 55 سیکنڈز میں فائٹ روک کر الیاس کو فاتح قرار دیا۔سکواش کے مقابلوں میں پاکستان کے ناصر اقبال پری کوارٹر فائنل میں پہنچ گئے۔ناصر کا مقابلہ ہم وطن طیب اسلم سے تھا تاہم وہ مقابلے سے ریٹائر ہوگئے۔سکواش میں ویمنز سنگلز میں آمنہ فیاض کو شکست ہوگئی۔ آمنہ فیاض کو ملائیشیا کی راشل آرنلڈ نے شکست دی۔ملائیشین پلیئر کی جیت کا سکور 3-11، 2-11 اور 5-11 رہا۔