قومی کرکٹرز نے رپورٹ کردی آج سے ٹریننگ شروع
لاہور(سپورٹس رپورٹر)دورہ نیدرلینڈز کےلئے اعلان کردہ قومی سکواڈ نے لاہور میں رپورٹ کر دی۔قومی سکواڈ کی منیجر منصور رانا کی سربراہی میں نیشنل ہائی پرفارمنس سنٹر لاہور میں ٹیم میٹنگ ہوئی جس میں کپتان بابر اعظم نے قومی سکواڈ کو خصوصی لیکچر دیا۔قومی سکواڈ آج سے قذافی سٹیڈیم لاہور میں ٹریننگ سیشن کا آغاز کرے گا۔ 11 اگست تک جاری رہنے والے کیمپ میں دو پریکٹس میچز بھی شامل ہیں۔فاسٹ باو¿لر حارث رو¿ف 7 اگست جبکہ وکٹ کیپر محمد رضوان پہلے پریکٹس میچ کے بعد لاہور میں سکواڈ کو جوائن کریں گے۔پاکستان شاہینز کے سکواڈ میں سعود شکیل (کپتان)، حسیب اللہ (وکٹ کیپر)، عبداللہ شفیق، زاہد محمود، کامران غلام، عبدالواحد بنگلزئی، قاسم اکرم، میر حمزہ، عباس آفریدی، ارشد اقبال، ابرار احمد، فیصل اکرم شامل ہیں۔یہ پہلا موقع ہوگا جب قومی ٹیم اور پاکستان شاہینز آمنے سامنے آئیں گے، تاہم یہ سلسلہ آئندہ بھی جاری رہے گا، دونوں سکواڈز کو مدمقابل لانے کا مقصد سیریز کی تیاریوں کےساتھ ساتھ پاکستان شاہینز میں شامل بیک اپ کھلاڑیوں کو اپنی صلاحیتوں کے اظہار کا بھرپور موقع فراہم کرنا ہے۔فاسٹ باو¿لر حارث رو¿ف 7 اگست جب کہ وکٹ کیپر بیٹر محمد رضوان پہلے پریکٹس میچ کے بعد لاہور میں قومی ون ڈے انٹرنیشنل سکواڈ کو جوائن کریں گے، سکواڈ 11 اور 12 اگست کی درمیانی شب ایمسٹرڈیم روانہ ہوگا۔آج سہ پہر 3 سے شام 5 بجے تک قومی سکواڈ کا قذافی سٹیڈیم لاہور میں نیٹ سیشن ہوگا، جبکہ سکواڈ سے قبل قومی سکواڈ کا ایک رکن میڈیا ٹاک کرے گا۔کل صبح 9 سے شام 6 بجے تک قومی کرکٹ ٹیم بمقابلہ پاکستان شاہینز پہلا پریکٹس میچ ہوگا۔ 8 اگست بروز پیر صبح 10 سے دوپہر 2 بجے تک قومی کھلاڑیوں کا نیشنل ہائی پرفارمنس سنٹر لاہور میں ٹریننگ سیشن منعقد ہوگا۔9 اگست بروز منگل آرام کا دن ہوگا، 10 اگست بروز بدھ، صبح 9 سے شام 6 بجے تک قومی کرکٹ ٹیم بمقابلہ پاکستان شاہینز دوسرا پریکٹس میچ ہوگا۔ جبکہ 11 اگست صبح 10 سے دوپہر 1 بجے تک قومی کھلاڑیوں کا نیشنل ہائی پرفارمنس سنٹر لاہور میں آپشنل ٹریننگ سیشن منعقد ہوگا۔ دوپہرساڑے بارہ بجے کپتان بابر اعظم پریس کانفرنس کریں گے۔
