لاہور(نامہ نگار) شفیق آباد کے علاقے بند روڈ پر مبینہ طور 8 سالہ نامعلوم بچہ نالے میں گر گیا۔ریسکیو ترجمان کے مطابق بچے کے ڈوبنے کی کال جھوٹی تھی۔ تفصیلات کے مطابق شفیق آباد بند روڈ پر 8 سالہ بچہ نالے میں گر گیا۔8 سالہ بچے کو2 محلے دار خواتین نے نالے میں گرتے ہوئے دیکھا ہے۔ اہل علاقہ کے مطابق بچہ نالے کی دیوار پر کھڑا تھا۔ بچے کے ہاتھ میں کوئی چیز تھی۔جیسے ہی بچے کے ہاتھ سے کوئی چیز نالے میں گری بچے نے بھی نالے میں چھلانگ لگا دی۔ اطلاع ملنے پر ریسکیو ٹیمیں موقع پر پہنچ گئیں اور امدادی کارروائیاں شروع کر دیں، مگر بچے کا کچھ پتا نہ چلا اور انہوں نے مزید تلاش روک دی۔اہل علاقہ کے مطابق نالے میں گرنے والے بچے کی شناخت سامنے نہ آنے پر ریسکیو ٹیموں نے اپنی کارروائیاں روک دی ہیں۔ اہل علا قہ کا کہنا ہے کہ ریسکیو اہلکاروں نے کہا کہ بچے کے ورثاء سامنے آئیں گے تو بچے کو تلاش کیا جائے گا جبکہ ریسکیو کے ترجمان کے مطابق بچے کی نالے میں ڈوبنے کی کال جھوٹی تھی۔ اس لیے آپریشن روک دیا گیا تھا۔