قصور (نمائندہ نوائے وقت)ڈی پی او قصور صہیب اشرف نے کہا کہ عاشورہ کے مو قع پر انتہا ئی الرٹ سکیو رٹی کے انتظاما ت مکمل کرلیے گئے ہیں۔قصور پولیس کسی بھی ناخوشگوار واقعہ سے نمٹنے کیلئے چا ک وچوبند ہے۔ عاشورہ کے موقع پرضلع بھر میں 24 جلوس اور 20 مجالس ہوں گی جن کو تین کیٹگریز میں تقسیم کیا گیا ہے جہاں پرایک ایس پی، 7 ڈی ایس پی، 8 انسپکٹر، 114 سب انسپکٹر، 191 اسسٹنٹ سب انسپکٹر، 221 ہیڈ کانسٹیبل، 1518 کانسٹیبل، 50 لیڈ ی کانسٹیبل، 604 وولنٹیئرز اورسول ڈیفنس کے ملازمین کل 2500 سے زائد افسران و اہلکاروان ڈیوٹی کے فرائض سر انجام دیں گے اس کے علاوہ ریزرو ہائے پنجا ب کانسٹیبلری،محافظ فورس،دفتری و کلیریکل سٹاف اور ایلیٹ فورس کے جوان بھی ڈیوٹی سرانجام دیں گے۔ جلو س میں داخلہ کیلئے چار لیئر ڈیوٹی کو یقینی بنایا جائے گازائرین کی چیکنگ بذریعہ واک تھرو گیٹس، میٹل بائیو میٹرک ویری فیکشن کی جائے گی۔