گوجرانوالہ(نمائندہ خصوصی)سابقہ سٹی صدر پاکستان تحریک انصاف شعبہ خواتین شکیلہ سلیم رانا ایڈووکیٹ نے کہا ہے کہ امام حسینؓ کا کردار رہتی دنیا تک ہمارے لئے مشعل راہ ہے، محرم الحرام صبر، استقامت، ایثار کا مہینہ ہے یہ امام حسین کی طرح دین اور حق وصداقت کی سربلندی کیلئے جان مال اور بچوں تک کو قربان کردینے کے عزم کا مہینہ ہے،اس مقدس مہینے میں فرقہ واریت اور عدم برداشت کی حوصلہ شکنی کر کے اتحاد، اتفاق امن و امان اور تحمل کو فروغ دینا چاہیے،ماہ محرم اپنی فضیلت، عظمت، حرمت اور برکت کے لحاظ سے انفرادی اہمیت کا حامل ہے،امام حسین نے دین حق کی سربلندی کیلئے جانوں کے نذرانے پیش کر کے حق اور باطل کے درمیان قیامت تک کیلئے لیکر کھینچ دی۔