لاہور(سپورٹس رپورٹر)ترکیہ میں ہونے والی اسلامی یکجہتی گیمز میں پاکستان کے شجر عباس 100 میٹر ریس کے فائنل تک نہ پہنچ سکے۔ شجر عباس کی سیمی فائنل میں ٹائمنگ 10.38 سیکنڈرز رہی، پاکستانی سپرنٹر اپنی ریس میں ساتویں نمبر پر رہے۔ گزشتہ روز شجر عباس نے ہیٹ میں 10.25 سیکنڈز کیساتھ نیشنل ریکارڈ بنایا تھا،پاکستانی اتھلیٹ گزشتہ 8 روز میں 6 ریسیں دوڑ چکے ہیں۔نوجوان اتھلیٹ آج 200 میٹر کی ہیٹس میں ایک بار پھر ایکشن میں ہوں گے۔