لاہور(سپورٹس رپورٹر )پیپلز پارٹی وسطی پنجاب سپورٹس ونگ کے نائب صدر میاں عتیق نے تحریک انصاف کی طرف سے ہاکی سٹیڈیم کی قیمتی ٹرف کو سیاسی کھاڑے میں تبدیل کرنے کی شدید مذمت کرتے ہوئے کہا ہے کہ ایک لاڈلے کے سیاسی جلسے کیلئے ہاکی سٹیڈیم کی قیمتی آسٹروٹرف کو اکھاڑ پھینکنے کی جتنی مذمت کی جائے کم ہے۔عمران خان نے ملک۔میں ڈیپارٹمنٹل کرکٹ تباہ کرنے کے بعد اب ہاکی کو تباہ کرنیکی ٹھان لی ہے۔انہوں نے اعلی عدلیہ سے مطالبہ۔کیا ہے کہ وہ ہاکی گراو¿نڈ میں سیاسی جلسے کا از خود نوٹس لیں۔
جشن آزادی خواتین نیٹ بال 
نمائشی میچ 14 اگست کو ہوگا
لاہور(سپورٹس رپورٹر)پاکستان نیٹ بال فیڈریشن کے زیراہتمام جشن آزادی خواتین نیٹ بال نمائشی میچ ایلیٹ اکیڈمی اور پی این ایف اکیڈمی کے درمیان 14 اگست کو پی ایس بی کوچنگ سنٹر کراچی میں ہوگا۔ تما م انتظامات مکمل کر لئے گئے ہیں۔
 اورمیچ کے اختتام پر کامیابی حاصل کرنے والی ٹیم کے کھلاڑیوں میں انعامات تقسیم کئے جائیں گے۔