بھکھی(نامہ نگار)مسلم لیگ (ن) سینئر رہنما محمد ارشد المعروف بھولا گادی نے کہا ہے کہ پاکستان کو معاشی طور پر دیوالیہ کرنے کی ساز ش کرنے والوں کو ملکی ترقی ہضم نہیں ہورہی جوں جوں معاشی حالات بہتر ہورہے ہیں ویسے ویسے حکومت مخالف عناصر کی سازشیں زور پکڑ رہی ہیں جن کا خاتمہ یقینی بنانے کیلئے حکومت ہر ممکن اقدامات کررہی ہے اور پوری قوم حکومت کے ساتھ ہے، اپنے ایک بیان میں بھولا گادی نے کہا کہ قوم کو نواز لیگ کی قیادت پر فخر ہے جس نے ہمیشہ نامسائد حالات میں بھی قوم کاعزم ٹوٹنے نہیں دیا اور اپنی انتھک محنت و جدوجہد سے ترقی و خوشحالی کی راہیں تلاش لیں، ملکی سلامتی و عوامی خوشحالی کی خاطر جو کردار نواز لیگ نے ادا کیا اسکی مثال دیگر کسی جماعت کی قیادت کے کسی دور اقتدار میں نہیں ملتی۔