لاہور(سپورٹس رپورٹر)دورہ ہالینڈ سے قبل قومی کرکٹرز کی اچانک چائے کے ڈھابے پر انٹری نے شائقین کرکٹ کو حیران کردیا۔غیر ملکی دورے سے قبل قومی کرکٹرز نے لاہور میں چائے کے ڈھابے پر انٹری کی تو لوگ حیران رہ گئے۔وہاں موجود افراد نے کرکٹرز کو اپنے درمیان دیکھ کر خوشگوار حیرت کا اظہار کیا، شاداب خان، نسیم شاہ، حارث رﺅف اورمحمد نواز نے شائقین کرکٹ کے ساتھ گپ شپ لگائی اور چائے بھی پی۔اس موقع پر مداحوں نے قیمتی موقع ہاتھ سے نہ جانے دیا اور قومی کرکٹرز کےساتھ تصاویر اور سیلفیاں بنوا کر اسے بطور یادگار رکھ لیا۔پاکستان کرکٹ بورڈ کی جانب سے بھی کرکٹرز کی چائے کے ڈ ھابے پر انٹری اور لوگوں کے ساتھ گپ شپ کی ویڈیو شیئر کی گئی ہے، جسے بہت پسند کیا جارہا ہے۔