شیخوپورہ(نامہ نگار خصوصی) پاکستان پیپلزپارٹی کے ضلعی نائب صدر آصف الیاس گل نے کہا ہے کہ پیپلزپارٹی نے ہمیشہ قومی اداروں کے وقار ، خودمختاری کیلئے پارلیمان کے اندر اور باہر اپنا کردارادا کیا ہے عمران خان مسلسل آصف علی زرداری اور نواز شریف پر الزام تراشی کرکے اپنی نااہلی ، نالائقی اورممکنہ گرفتاری سے بچنے کی کوششیں کررہے ہیں ان خیالات کا اظہار انہوںنے یہاںمیڈیا سے گفتگو کرتے ہوئے کیا انہوں نے کہاکہ قوم اس وقت سیلاب میں گری ہوئی ہے اور عمران خان سیلاب متاثرین کی مدد کی بجائے قومی اداروں پر حملے کررہے ہیں ان کا جارحانہ طرز عمل ملک کو کسی بڑے حادثہ سے دوچار کرسکتا ہے ملک میں موجودہ مہنگائی ،بیروزگاری کے ذمہ دار بھی عمران خان ہیں انہوںنے کہاکہ پیپلزپارٹی کی قیادت نے پاکستان کو مسائل کی دلدل سے نکالنے کیلئے اپنا انتھک کردارادا کیا ہے آج بھی وفاق کی حقیقی جماعت پیپلزپارٹی ہی ہے انہوںنے کہاکہ عمران خان کا بیانیہ کمزوراور تقسیم شدہ پاکستان ہے شہباز گل اور دیگر تحریک انصاف کے رہنمائوں کے بیانات اس کا واضح ثبوت ہیں۔