لاہور(نامہ نگار) لاہور کے مختلف علاقوں میں ڈاکوئوںاور چوروںنے وارداتوں کے دوران متعدد شہریوں سے لاکھوں روپے،  زیورات،موبائل ، گاڑیاں ، موٹر سائیکلیں و دیگر سامان لوٹ لیا ۔تفصیلات کے مطابق ستوکتلہ میں فاروق کے اہلخانہ سے 5لاکھ18ہزار روپے ، زیورات، موبائل   دیگر سامان،سبزہ زار میںعثمان کی  والدہ سے 2لاکھ70ہزار ،  زیورات اور موبائل ،جو ہر ٹاؤن  میں کار سوار ثناء سے پرس  چھین لیا، جس میں ایک لاکھ روپے مالیت کی ملکی وغیر ملکی کرنسی اور سونے کی انگوٹھی موجود تھی،برکی  میں اسلم سے اسلحہ کے زور پر 45 ہزار، موبائل  اور گاڑی چھین لی،بادامی باغ میں عصمت اللہ سے 70 ہزار  اور موبائل ،داتا دربار میں امانت سے گن پوائنٹ پر 52  ہزار اور موبائل ،سبزہ زار  میں شہزاد سے34 ہزار اور موبائل ،یکی گیٹ میں وسیم سے 18 ہزار  اور موبائل ،پرانی انارکلی  میں آئی جی پنجاب پولیس آفس کے قریب ضمیرسے اسلحہ کے زور پر15 ہزار   اور موبائل  جبکہ قمر سے ہزاروں روپے اور موبائل  ، اسلام پورہ میںسفیان سے14 ہزار اور موبائل ،شفیق آباد میں سلیم سے 11ہزار اور موبائل ،شاہدرہ ٹاؤن میں سپیشل پروٹیکشن یونٹ کے ملازم عادل سے ہزاروں روپے اور موبائل  لوٹ لیا۔ گلشن اقبال  میں زاہد کے گھرسے4لاکھ 35ہزار زیورات و دیگر سامان چوری کرلیا اور فرار ہو گئے ۔ سمن آباد اور مسلم ٹاؤن  سے2 کاریں، نواں کوٹ  سے رکشہ جبکہ سمن آباد ، مزنگ ، سمن آباد ، ہنجروال،جوہر ٹاون، گرین ٹاؤن اور نشتر کالونی کے علاقوں سے7موٹر سائیکلیں چوری کر لی گئیں۔