ایتھوپیا میں عمارت گرنے سے6 افراد ہلاک، متعدد زخمی
ادیس ابابا(اے پی پی):ایتھوپیا کے دارالحکومت ادیس ابابا میں ایک عمارت کے گرنے کے نتیجے میں 6افراد ہلاک اور متعددزخمی ہوگئے۔ چینی خبر رساں ادارے نی علاقے کے جرائم کی تحقیقاتی یونٹ کے سربراہ یبیکل تیمیرے کے حوالے سے بتایا ہے کہ تجارتی مرکز مرکاٹو میں ایک گودام کی عمارت اچانک منہدم ہونے سے 6افراد ہلاک جبکہ متعدد زخمی ہو گئے۔
تیمیرے نے کہا کہ اس واقعے کے فوری بعد ریسکیو ٹیم نے لاشوں اور زخمیوں کو ملبے تلے سے نکال کر قریبی ہسپتال طبی امداد کے لیے منتقل کر دیا ہے۔انہوں نے کہا کہا عمارت گرنے کی وجوہات معلوم کرنے کے لیے تحقیقات جاری ہیں۔ انہوں نے شہریوں سے اپیل کی ہے کہ وہ پرانی اور خستہ حال عمارتوں کو استعمال کرتے وقت ضروری احتیاط اپنائیں اور متعلقہ سرکاری اداروں کو رپورٹ کریں۔
ایتھوپیا عمارت حادثہ
