لاہور(سپورٹس رپورٹر)وفاقی وزیر بین الصوبائی رابطہ احسان الرحمن مزاری نے کہا ہے کہ کامن ویلتھ گیمز اور اسلامک سالیڈیٹری گیمز میں تمغے جیتے والے کھلاڑیوں کوآج نقد کیش ایوارڈ دیا جائےگا اور وزیراعظم نے ان کھلاڑیوں کی حوصلہ افزائی کیلئے انہیںمدعو کیا ہے۔گولڈ میڈلسٹ کےلئے 50 لاکھ روپے، سلور میڈلسٹ کیلئے 20 لاکھ روپے اور برونز میڈلسٹ کیلئے 10 لاکھ روپے انعام ہے۔ جیولین تھرو میں ارشد ندیم اور ویٹ لیفٹنگ میں نوح دستگیر بٹ نے سونے کا تمغہ حاصل کیا۔ ریسلنگ میں انعام بٹ، شریف طاہر اور زمان انور نے چاندی جبکہ علی اسد اور عنایت اللہ نے کانسی اور جوڈو میں شاہ حسین شاہ نے بھی کانسی کا تمغہ حاصل کیا ۔ ترکی میں اسلامک سالیڈیٹری گیمز میں جیولین تھرو کے ایونٹ میں ارشد ندیم نے طلائی اور پیرا ٹیبل میں الطاف الرحمن نے کانسی کا تمغہ حاصل کیا۔