لاہور(سپورٹس رپورٹر)نیوزی لینڈ کے سابق سٹار آل راﺅنڈر سکاٹ اسٹائرس نے بھی بابر اعظم کو موجودہ دور کا نمبر ون بیٹر قرار دیتے ہوئے کہا ہے کہ انہیں آﺅٹ کرنا باﺅلرز کےلئے بہت مشکل ہوتا ہے۔پاکستان کرکٹ ٹیم کے کپتان بابر اعظم کی صلاحیتوں کی دنیا معترف ہے۔سکاٹ سٹائرس نے بھی بابر اعظم کی تعریف کرتے ہوئے کہا ہے کہ بابر اعظم اس وقت نمبر ون بیٹر ہیں۔قومی کرکٹر کو آﺅٹ کرنے کی ٹرک بتاتے ہوئے سابق کیوی کرکٹر نے کہا کہ بابر اعظم کو آﺅٹ کرنے کیلئے باﺅلرز کو خاص گیند کرنا پڑےگی کیونکہ ذرا سی بھی غلطی گیند کو بانڈری سے باہر لے جا سکتی ہے۔ مجھے بابر اعظم کی کمزوریوں کو جاننے کیلئے گھنٹوں ویڈیوز دیکھنا پڑیں گی۔ شاہین شاہ آفریدی کے ٹورنامنٹ سے باہر ہونے پر سٹائرس نے کہا کہ شاہین ایک باصلاحیت باﺅلر ہیں، بھارت ہی نہیں تمام ٹیموں کے ٹاپ آرڈر بیٹر شاہین کے نہ کھیلنے پر خوش ہوں گے۔ شاہین آفریدی کی غیر موجودگی میں دیگر ٹیموں کے ایشیا کپ جیتنے کے امکانات بڑھ گئے ہیں۔