لاہور(سپورٹس رپورٹر) پی سی بی پاتھ وے پروگرام کے زیر تحت اینگرو کرکٹ کوچنگ پراجیکٹ میں پانچ غیر ملکی کوچز کی شمولیت۔گورڈن پارسنز، جولین فاﺅنٹین، جولین ووڈ، نیکولس ویب اور ٹابی ریڈفرڈ اگلے سات سے دس روز میں لاہور این ایچ پی سی پہنچیں گے۔کوچز پاتھ وے پروگرام میں شامل ایک سو سات کھلاڑیوں کی کوچنگ کریں گے۔لاہور میں انڈر 13، انڈر 16 اور انڈر 19 کھلاڑیوں کی آمد کا سلسلہ شروع ہوگیا ہے، کھلاڑیوں کی اسکرینینگ اور فٹنس ٹیسٹ لئے جارہے ہیں۔چیئرمین پی سی بی رمیز راجہ نے کہا کہ پاکستان جونیئر لیگ میں سلیکٹ ہونے والے کھلاڑی بھی غیر ملکی کوچیز کیساتھ کام کریں گے۔نامور غیر ملکی کوچز کی آمد پاتھ وے پروگرام کی ایک اہم کڑی ہے۔پروگرام سے پاکستان کرکٹ کا مستقبل روشن ہوگا اور مستقبل کے سٹارز کو بہترین کوچنگ اور ٹرینینگ دی جائے گی ۔اینگرو کے تعاون سے ہم نے ایک اہم سنگ میل مکمل کر لیا ہے اور اب اس پروگرام کو عملی شکل دے رہے ہیں۔