لاہور(سپورٹس رپورٹر)بیلی جین ٹینس کنگز کپ میں پاکستان ویمنز ٹیم نے ترکمانستان کو شکست دے دی۔اشنا سہیل کی شاندار پرفارمنس نے پاکستان کو دو ایک سے فتح دلائی۔اشنا نے پہلے اپنا سنگل میچ جیتا پھر سارہ محبوب کے ساتھ ڈبلز میں کامیابی حاصل کی، سارہ محبوب کو اپنے سنگل میچ میں شکست ہوئی تھی۔پاکستانی ٹیم نے پول بی میں 3 میں سے 2 میچز جیتے، قومی ٹیم کی اپنے پول میں دوسری پوزیشن رہی۔پاکستان کی ٹیم نے اس سے قبل تاجکستان کو ہرایا جبکہ منگولیا سے شکست ہوئی تھی۔پاکستانی ٹیم ایشین اوشیانا گروپ ٹو میں تیسری پوزیشن کیلئے پول اے کی سیکنڈ ٹیم سے مقابلہ کرے گی۔