لاہور(سپورٹس رپورٹر ) پاکستان بلائنڈ کرکٹ کونسل نے رواں سال دسمبر میں بھارت میں منعقد ہونے والے تیسرے بلائنڈ ورلڈ کپ کرکٹ کیلئے 21 ممکنہ کھلاڑیوں کو شارٹ لسٹ کرلیا ہے۔ چیئرمین پی بی سی سی سید سلطان شاہ کے مطابق 21 کھلاڑیوں میں سے 17 کی حتمی ٹیم نومبر میں تشکیل دی جائےگی۔ 21 ممکنہ کھلاڑیوں میں بی ون کیٹیگری میں ریاست خان، ظفر اقبال، ساجد نواز، محمد شاہ زیب، محمد آصف، فخر عباس، محمد سلمان شامل ہیں جبکہ بی ٹو کیٹگری میں بدر منیر، نثار علی، معین اسلم، انیس جاوید، شاہ زیب حیدر، کامران اختر، نعمت اللہ اور بی تھری کیٹیگری میں محمد راشد، مطیع اللہ، فیصل محمود، محسن خان، محمد صفدر، اکمل حیات ناصر اور ثنا اللہ خان شامل ہیں۔