لاہور(سپورٹس رپورٹر) پاکستان سکواش فیڈریشن کے زیراہتمام جاری کومبکس انٹرنیشنل سکواش ٹورنامنٹ کی کوارٹر فائنل لائن اپ مکمل ہوگئی ہے۔ گزشتہ روز مصحف سکواش کمپلیکس میں کھیلے گئے پری کوارٹر فائنل مقابلوں میںپاکستان کے نور زمان نے فرحان محبوب کو 0-2 سے ریٹائرڈ کردیا۔فرحان زمان نے محمد عماد کو 0-3 سے، پاکستان کے محمد اشراب عرفان نے ہم وطنی نوید رحمان کو 1-3 سے، ملائیشیا کے حافظ ظفری نے ایران کے علی رضا شامیلی کو 0-3 سے، پاکستان کے ناصر اقبال نے ہم وطنی سلمان سلیم کو 0-3 سے، پاکستان کے حمزہ خان نے ایران کے سپہراعتمادپور کو 2-3 سے،پاکستان کے احسن ایاز نے ہم وطنی ظاہر شاہ کو 0-3 سے اورمصر کے عبداللہ نے ہم وطنی خالد لابیب کو 0-3 سے شکست دے کر کوارٹر فائنل کے لئے کوالیفائی کر لیا ہے۔