لاہور (نوائے وقت رپورٹ) لاہور سے لندن جانے والی نجی ایئر لائن کی پرواز نے لاہور ایئرپورٹ پر ہنگامی لینڈنگ کی ہے۔ ذرائع کے مطابق نجی ایئر لائن کی پرواز نے لاہور سے لندن کیلئے اڑان بھری تھی۔ ٹیکنیکل فالٹ کے باعث پائلٹ طیارے کو پشاور کی حدود سے واپس ایئرپورٹ لے آیا۔ ذرائع کا کہنا ہے کہ طیارے میں 150 سے زائد مسافر سوار تھے۔ ٹیکنیکل فالٹ کے باعث پرواز پہلے ہی دو گھنٹے سے زائد تاخیر سے روانہ ہوئی تھی۔