چناب نگر میں ڈکیتی کے بعد فرار ہوتے 2 ڈاکو حادثہ میں ہلاک‘ ایک زخمی
چنیوٹ،چناب نگر (نمائندہ خصوصی+ نمائندہ نوائے وقت) ڈکیتی کرنے کے بعد فرار ہوتے ہوئے حادثہ میں دو ڈاکو ہلاک ہو گئے جبکہ ایک زخمی ہو گیا۔ سرکل چناب نگر تھانہ محمد والا کے علاقہ ترکھاناں والا روڈ پر اڈا جھلکے کے قریب موٹر سائیکل پر سوار تین ڈاکو جن میں چن‘ الطاف اور عطاءشامل ہیں نے مبینہ طورپر منیر سے نقدی چھینی اور فرار ہو گئے جس پر منیر وغیرہ نے کار پر ان کا تعاقب کیا۔ تعاقب کرنے کے دوران کار کی ٹکر سے موٹر سائیکل سوار تینوں ڈاکو گر گئے جس کے نتیجہ میں 2 ڈاکو چن اور عطاءہلاک جبکہ الطاف زخمی ہو گیا جس کو زخمی حالت میں ہسپتال منتقل کر دیا گیا ہے۔
ڈاکو ہلاک
