لاہور(سپورٹس ڈیسک ) انگلینڈ نے جنوبی افریقہ کو دوسرا ٹیسٹ ایک اننگز اور 85رنز سے ہرا کر سیریز ایک ایک سے برابر کردی ۔ میزبان انگلینڈ نے اپنی پہلی اننگز 415رنز 9کھلاڑی آئوٹ پر ڈکلیئر کردی ۔ بین سٹوکس 103اور بین فوکس 113رنز بناکر نمایاں رہے ۔ جنوبی افریقن ٹیم دوسری اننگز میں179رنز پر ڈھیر ہو گئی ۔ کیگان پیٹر سن 42اور رسائی وینڈر ڈوسین 41رنز بناکر نمایاں رہے ۔ اولی رابنسن نے چار ‘جیمز اینڈرسن نے تین کھلاڑیوں کو آئوٹ کیا ۔ جنوبی افریقہ نے اپہلی اننگز میں 151رنز بنائے تھے ۔ بین سٹوکس کو میچ کا بہترین کھلاڑی قرار دیا گیا ۔