لاہور(نامہ نگار)بادامی باغ پولیس نے49 مقدمات میں ریکارڈ یافتہ بدنام زمانہ ملزم گرفتار کر لیا ہے۔بادامی باغ پولیس نے قتل،اقدام قتل،اغواء ، منشیات فروشی ، فائرنگ اور ناجائز اسلحہ کی نمائش جیسی49 سنگین وارداتوں میں ریکارڈ یافتہ ملزم جونا پٹھان کو گرفتار کر کے ملزم کے قبضہ سے 2237 گرام چرس اور 40 گرام آئس برآمدکر کے مقدمہ کر لیا ہے۔ پولیس کے مطابق یونس عرف جونا پٹھان علاقہ میں خوف و حراس پھیلاتاتھا ملزم کندھے پر بیگ لٹکائے منشیات کی سپلائی کرنے جا رہا تھا کی پولیس نے اسے دھر لیا ہے۔