مانانوالہ( نامہ نگار)تھانہ مانانوالہ کی حدود میں لاہور فیصل آباد روڈ پر تیس سالہ محنت کش ٹرالر تلے آ کر زندگی کی بازی ہار گیا۔تفصیل کے مطابق گوجرانوالہ کا رہائشی محنت کش وارث مسیح ٹریکٹر ٹرالی پر گتا لوڈ کر کے جا رہا تھا کہ تانی چک کے قریب ٹرالی سے گر گیا اور پیچھے سے آنے والے ٹرالر تلے آ کر کچلا گیا جسے شدید زخمی حالت میں ہسپتال لے جایا جا رہا تھا کہ وہ راستے میں ہی دم توڑ گیا۔متوفی کے ورثاء نے اچانک حادثہ قرار دے کر ٹرالر ڈرائیور کو معاف کر دیا۔پولیس نے ضروری کارروائی کے بعد نعش ورثاء کے حوالے کر دی۔