لاہور(سپورٹس ڈیسک ) جنوبی افریقن کرکٹ بورڈ نے اگلے برس جنوری میں کھیلی جانے والی ٹی ٹونٹی لیگ کا نام SA20 رکھا ہے جبکہ کھلاڑیوں کی نیلامی 19 ستمبر کو ہوگی۔جنوبی افریقین ٹی 20 لیگ کے کمشنر اور سابق کرکٹر گریم سمتھ نے کہا ہے کہ SA20 لیگ کا آغاز 23 جنوری سے ہوگا اور ٹورنامنٹ میں چھ ٹیمیں شرکت کریں گی۔ ٹیموں کی جانب سے کھلاڑیوں کی خریداری کا عمل شروع کردیا گیا جبکہ سکواڈز کو حتمی شکل دینے کیلئے نیلامی 19 ستمبر کو ہوگی۔تمام فرنچائزز کو بھارتی کرکٹ لیگ آئی پی ایل میں شریک ٹیموں کے مالکان نے خرید رکھا ہے۔

، ٹیموں نے نیلامی سے قبل ہی 2 سے 5 مارکی کھلاڑیوں کو اپنے سکواڈز میں شامل کرلیا ہے۔فرنچائزز کے پاس مجموعی طور پر 2 ملین ڈالر کا پرس ہے جس سے وہ زیادہ سے زیادہ 17 کھلاڑی خرید سکتے ہیں، جن میں 10 جنوبی افریقی اور 7 انٹرنیشنل کھلاڑی شامل ہوگے۔