لاہور(خصوصی نامہ نگار ) قرآن پبلشرز ایسوسی ایشن آف پاکستان کے صدر قدرت اللہ ،چیئرمین سید احسن محمود شاہ ، سرپرست اعلیٰ حفیظ البرکات شاہ نے کہا ہے کہ آدھا پاکستان سیلاب میں ڈوب گیا ہے۔ ہزاروں لوگ جان بحق اور لاکھوں بے گھر ہوچکے ہیں۔ ان کی زندگی بھر کی جمع پونجی سیلاب کی نظر ہوچکی ہے۔ زرعی زمینیں تباہ اور کھڑی فصلیں برباد ہوچکی ہیں۔ سیلاب زدہ علاقوں میں بارشوں سے تباہی کے بعد اب مختلف قسم کی بیماریوں اور قحط سالی کاخطرہ ہے۔ ان حالات میں ہماری قوم کو چاہئے کہ وہ دل کھول کر سیلاب متاثرین کی مدد کریں۔ .