لاہور(سپورٹس رپورٹر)آسٹریلیا کے مچل سٹارک نے پاکستان کے سابق سپنر اور موجودہ کوچ ثقلین مشتاق کا ورلڈ ریکارڈ توڑ دیا۔مچل سٹارک نے زمبابوے کے ریان برل کو آو¿ٹ کر کے 200 تیز ترین وکٹیں حاصل کرنے کا عالمی ریکارڈ اپنے نام کیا،مچل سٹارک نے 102ویں ایک روزہ میچز میں 200 وکٹیں حاصل کیں۔ اور اس طرح وہ ون ڈے انٹرنیشنل میچوں میں وکٹوں کی ڈبل سنچری کرنے والے تیز ترین باﺅلر بن گئے،پاکستان کے ثقلین مشتاق نے 104میچز میں 200 وکٹیں حاصل کیں تھیں جبکہ بریٹ لی نے یہ کارنامہ 112 میچز، ایلن ڈونلڈ نے 117 میچز اور وقار یونس نے 118میچز میں سر انجام دیا تھا۔