لاہور(کلچرل رپورٹر) ماڈل، اداکارہ نادیہ حسین کا کہنا ہے کہ سیلاب متاثرین کی مدد مقابلہ سمجھ کر نہیں کرنی چاہیے۔ سیلاب متاثرین کے لیے بہت سے لوگ بہت سا کام کر رہے ہیں، مختلف تنظیمیں لوگوں کی جانب سے عطیہ کیا گیا سامان متاثرین تک پہنچا رہی ہیں۔ امداد اپنے گھر سے شروع کی جاتی ہے، مجھ سے بہت سے لوگ پوچھتے ہیں کہ آپ نے سیلاب متاثرین کے لیے کیا کیا، میں بتادوں کے میرے گھر میں بہت سے ملازموں کا تعلق صوبہ سندھ سے ہیں۔ وہ لوگ سیلاب سے بہت متاثر  ہوئے ہیں اور میں ان کی مدد کر رہی ہوں، یہ ابھی شروعات ہے، سیلاب زدگان کو آگے جاکر بہت مدد کی ضرورت پڑے گی، اس لیے امدادی کام مقابلہ سمجھ کر نہیں کرنا چاہیے۔