بیجنگ؍ کابل (نوائے وقت رپورٹ) چین کے صوبے سیچوان اور افغانستان میں زلزلے سے54 افراد ہلاک اور متعدد زخمی ہوگئے۔ غیر ملکی خبر ایجنسی کے مطابق چین کے جنوب مغربی صوبے سیچوان میں 6.6 شدت کا زلزلہ آیا۔ امریکی زلزلہ پیما مرکز کے مطابق زلزلہ زیر زمین 10 کلومیٹر کی گہرائی میں تھا۔  متعدد مکانات کو نقصان پہنچا اور کئی علاقوں میں لینڈ سلائیڈنگ کے واقعات ہوئے۔ کئی علاقوں کی بجلی معطل ہو گئی۔  متاثرہ علاقوں میں امدادی کارروائیاں جاری ہیں۔ افغانستان کے شمالی مشرقی حصے میں رات گئے پانچ اعشاریہ 3 شدت کا زلزلہ آیا ہے۔ جھٹکے کنڑ، لغمان، ننگر ہار اور کابل میں محسوس کئے گئے۔ افغان حکام کی جانب سے بتایا گیا ہے کہ صوبے کنڑ میں زلزلے سے جانی و مالی نقصان ہوا ہے۔ 8 افراد کی ہلاکت کی اطلاع ہے۔ جبکہ ہلاکتوں میں مزید اضافے کا خدشہ ہے۔
زلزلہ