لاہور(سپورٹس رپورٹر)پاکستان ہاکی فیڈریشن نے قومی ہاکی سلیکشن کمیٹی کا اعلان کردیا، اولمپیئن کلیم اللہ خان چیئرمین قومی ہاکی سلیکشن کمیٹی تعینات کردیئے گئے۔ صدر پاکستان ہاکی فیڈریشن بریگیڈیئر(ر)خالد سجاد کھوکھر کی ہدایات اور منظوری کے بعدپاکستان ہاکی فیڈریشن کی جانب سے پی ایچ ایف سلیکشن کمیٹی کا اعلان کیا گیا۔ پانچ رکنی قومی ہاکی سلیکشن کمیٹی کے چیئرمین 1984لاس اینجلس اولمپکس کے فاتح کھلاڑی اولمپین کلیم اللہ خان ہونگے۔ پی ایچ ایف سلیکشن کمیٹی میں اولمپین ناصر علی، اولمپین رحیم خان، لئیق لاشاری انٹرنیشنل اور اولمپین شکیل عباسی شامل ہیں۔ سیکرٹری جنرل پی ایچ ایف حیدر حسین نے پاکستان ہاکی فیڈریشن کی جانب سے قومی ہاکی سلیکشن کمیٹی کا نوٹیفکیشن جاری کردیا ہے۔