اسلام آباد (نامہ نگار) امریکہ اور متحدہ عرب امارات سے امدادی سامان لانے والی مزید 2، 2پروازیں پاکستان پہنچ گئیں۔ ترجمان دفتر خارجہ کے مطابق سیلاب متاثرین کے لیے دوست ممالک سے امدادی پروازوں کی آمد کا سلسلہ جاری ہے، اب تک مختلف ممالک سے 68پروازیں پاکستان پہنچ چکی ہیں۔ متحدہ عرب امارات سے اب تک 31پروازوں کی صورت میں امداد پاکستان پہنچ چکی ہے، جبکہ امریکہ سے اب تک 7 پروازوں کی امداد پہنچی۔ ترکی سے اب تک 11، چین سے 4 پروازیں پہنچیں۔ جبکہ قطر، ازبکستان، اردن، ترکمانستان اور فرانس سے بھی طیارے امداد لے کر پاکستان پہنچ چکے ہیں۔