لاہور(نامہ نگار) مناواں پولیس نے کارروائی کرتے ہوئے اے کیٹگری کا اشتہاری ملزم علاقے میں دہشت خوف و ہراس پھیلانے والے بدنام زمانہ بدمعاش گوہر عرف گونہ کوگرفتارکر کے حوالات میں بندکردےا ہے۔ 
اشتہاری ملزم قتل، اقدام قتل، رابری، مزاحمت کے مقدمات میں عرصہ 9 سال سے پولیس کو مطلوب تھا۔
 اشتہاری ملزم کو جدید ٹیکنالوجی کی مدد سے گرفتار کیا گیاہے ۔

اسلحہ کی نمائش کرنےوالے 2 ملزم گرفتار
لاہور(نامہ نگار) قلعہ گجر سنگھ پولیس نے ڈالے میں سرعام اسلحہ کی نمائش کر کے شہریوں کو خوفزدہ کرنے والے 2ملزمان عامر اور جہانزےب گرفتار کر کے ان کے قبضے سے رائفل، پسٹل اور گولیاں برآمد کر کے مقدمہ درج کر لیا ہے۔
 پولیس کا کہنا ہے کہ ملزمان علاقے میں ناجائز اسلحہ کے زور پر شہریوں کو ہراساں کرتے تھے۔