لاہور (خصوصی نامہ نگار)جامعہ اشرفیہ لاہور کے مہتمم مولانا حافظ فضل الرحیم اشرفی، نائب مہتمم و ناظم اعلیٰ مولانا قاری ارشد عبید،نائب مہتمم مولانا احمد حسن، شیخ الحدیث مولانا سیف الرحمن مہند،حافظ اسعد عبید،حافظ اجود عبیدمولانا حافظ زبیر حسن، مولانا محمد اکرم کاشمیری نے جامعہ خالد بن ولید کے مہتمم و شیخ الحدیث مولانا ظفر احمد قاسم کی وفات پر اظہار تعزیت کرتے ہوئے کہا کہ مرحوم جید عالم دین، سچے عاشق رسول اور علم و عمل کے پیکر تھے۔

الیکشن مقررہ وقت پر ہونگے: اشرف رسول 
 فیروزوالہ(نامہ نگار) مسلم لیگ(ن) لاہور ڈویژن کے جنرل سیکرٹری اور رکن پنجاب اسمبلی پیر محمد اشرف رسول نے کہا کہ ملک میں عام انتخابات مقررہ وقت ہونگے اور موجودہ حکومت اپنی مدت پوری کرےگی۔ عمران خان نے آئی ایم ایف سے معاہدے کئے تھے جو عوام کو بھگتنا پڑ رہے ہیں تاہم ،ہم مشکل فیصلے کرکے ہی ملک کو ترقی کی راہ پر گامزن کریں گے ۔گزشتہ حکومت کی پالیسیوں کے باعث اتحادی حکومت کو مشکل فیصلے کرنے پڑے۔