ڈسکہ‘ میانوالی‘سیالکوٹ (نامہ نگار+ نمائندہ خصوصی + نامہ نگار) دیورکی بھابھی اور اوباش ملزم نے خاتون کے ساتھ زیادتی کی۔ چھیچھڑ والی کی خاتون (ص)  بی بی کی اپنے خاوند کے ساتھ لڑائی ہوئی تو اس کے دیور کا سالا نوید صلح کروانے کیلئے منڈیکی گورائیہ لایا جہاں پر نوید نے خاتون کے ساتھ زبردستی زیادتی کر ڈالی جبکہ کوٹ موکھل کے شہباز کی بیوی اپنے کمرہ میں موجود تھی۔ اس کا چھوٹا بھائی سلیمان کمرہ میں گھس گیا اور اس کے ساتھ زبردستی زیادتی کر ڈالی‘ پولیس نے مقدمہ درج کر لیا۔ تھانہ کمرمشانی کی حدود اعوانانوالہ تھیل میں 12 سالہ بچے (ا) کے ساتھ مبینہ طور پر زیادتی واقعہ پیش آیا ہے۔ 22 سالہ اوباش کاشف بچے کو کھیتوں میں لے گیا اس دوران بچے کی گھر والے موقع پر پہنچے تو کاشف بھاگ گیا۔ ملزم کے خلاف تھانہ کمرمشانی میں ایف آئی آر درج کر کے گرفتار کر لیا گیا۔