ٹریفک کے مختلف حادثات میں 3افراد جاں بحق ،22 زخمی
فیروزوالہ( نامہ نگار) جی ٹی روڈ لاہور روڈ پر ٹریفک کے مختلف حادثات بس ڈرائیور سمیت تین افراد جاں بحق اور 22 زخمی ہوگئے ۔پانچ افراد کی حالت نازک بتائی جا رہی ہے۔ لاہور روڈ کی آبادی خانپور نہر کے قریب فیصل آباد لاہور آنےوالی تیزرفتار مسافر بس ڈرائیور کے اونگھ آنے کیوجہ سے ڈمپر سے ٹکراگئی جس کے نتیجہ میں بس ڈرائیور یاسین جاں بحق اور 16 افراد زخمی ہوگئے ۔لاہور روڈ کی آبادی ڈیرہ بھٹیاں کے قریب موٹرسائیکل حادثہ میں عارف حسین جاں بحق ہوگیا۔ سگیاں چوک کے قریب تیز رفتارٹریکٹر ٹرالی بے قابو ہو کر موٹر سائیکل سے ٹکرا گئی جس کے نتیجے میں نوجوان جاں بحق ہوگیا ۔روڈ چونگی سٹاپ کے قریب تیز رفتارکارٹائر پھٹنے سے قلابازیاں کھاتی ہوئی الٹ گئی جس کے نتیجے میں کار سوار پانچ افراد زخمی ہوگئے۔
