لاہور (نیٹ نیوز) کراچی میں اورنگی ٹاؤن شاہ فیصل چوک کے قریب شہری سے لوٹ مار کرنے والے 2 ڈکیت شہریوں کے ہتھ چڑھ گئے۔ مشتعل شہریوں نے ڈاکوؤں کو بدترین تشدد کا نشانہ بنایا جس سے دونوں ڈاکو ہلاک ہو گئے۔ ڈاکوؤں نے شہری نثار سے پرس چھیننے کی کوشش کی۔ اس نے مزاحمت کی، اس دوران شہری اکٹھے ہو گئے۔ تشدد سے ایک ڈاکو ہلاک ہو گیا جبکہ دوسرا شدید زخمی ہو گیا۔ ہلاک اور زخمی ہونے والے ڈاکوؤں کو عباسی شہید ہسپتال منتقل کیا گیا جہاں زخمی بھی چل بسا۔
ڈاکو ہلاک