لاہور (نیوز رپورٹر) سٹاف ویلفیئر آرگنائزیشن نے سال 2022-23 کے تعلیمی وظائف کیلئے فارموں کا اجراء کر دیا ۔جو دفتری اوقات کے دوران سٹاف ویلفیئر آرگنائزیشن کے دفتر اے جی آفس کمپاؤنڈ سے حاصل کئے جا سکتے ہیں۔ فارموں کے حصول اور جمع کروانے کی آخری تاریخ 31 اکتوبر ہے۔ یہ وظائف وفاقی حکومت کے ان ملازمین کے ان بچوں کو دیئے جائیں گے جو امسال سرکاری تعلیمی اداروں میں پیشہ ورانہ اور غیر پیشہ وارانہ مختلف کورسز میں تعلیم حاصل کر رہے ہیں۔