وزیر آباد میں غیرت کے نام پر بھائی کے ہاتھوں بہن قتل
وزیر آباد (نامہ نگار) غیرت کے نام پر بھائی نے بہن کو قتل کر دیا۔ نعش پوسٹمارٹم کے لیے سول ہسپتال منتقل کر دی گئی۔ وزیر آباد کے علاقہ احمد نگر رحمت کالونی کی رہائشی 22 سالہ عاصمہ نامی لڑکی پر بھائی بابر نے گولیاں چلا دیں۔ بابر کو بہن کے چال چلن پر شک تھا، جس کی بنا پر یہ واقعہ پیش آیا۔ ملزم واقعے کے بعد موقع سے فرار ہو گیا جبکہ پولیس تھانہ صدر نے نعش کو پوسٹ مارٹم کے لیے ہسپتال منتقل کر کے مذید تفتیش شروع کر دی ہے۔
