کوئٹہ(نوائے وقت رپورٹ) سبزل روڈ  پود گلی چوک پر دھماکہ میں ایک شخص جاں بحق  ہوگیا جبکہ 13 افراد  زخمی ہوگئے ۔جاں بحق  ہونے والے شخص کی شناخت محمد مراد کے نام سے ہوئی۔زخمیوں میں قدیر شاہ، حسیب، ولید، نوید احمد ، حمزہ، شکیل ،خادم حسین، اویس حیدر ،بی بی صائمہ ،محمد اشرف ،عبدالرشید، فراز، اورسرفراز شامل ہیں زخمیوں کو ٹراما سنٹر میں منتقل کردیا گیا۔دھماکے کی آواز دور تک سنی  گئی جس سے لوگوں میں خوف وہراس پھیل گیا۔  اطلاع ملتے ہی سکیورٹی اور ریسکیو ٹیمیں جائے وقوعہ پر پہنچ گئیں، قانون نافذ کرنے والے اداروں نے دھماکے کی جگہ کو گھیرے میں لے لیا اور دھماکے کی نوعیت جاننے کیلئے شواہد اکٹھے کیے۔ سکیورٹی اداروں نے شہر کے داخلی خارجی علاقوں سمیت حساس مقامات کی سکیورٹی بھی سخت کردی ۔