لاہور(نامہ نگار) کیپٹل سٹی پولیس ہیڈکوارٹرز میں ہیڈ کانسٹیبل سے اسسٹنٹ سب انسپکٹرز کے عہدوں پر ترقی پانے والے پولیس اہلکاروں کو پروموشن بیجز لگانے کی تقریب ہوئی۔سربراہ لاہور پولیس غلام محمود ڈوگر تقریب کے مہمان خصوصی تھے۔ہیڈکانسٹیبل رینک سے اے ایس آئی پروموٹ ہونیوالے 47 پولیس اہلکاروں کو ترقی کے بیجز لگائے گئے۔ غلام محمود ڈوگر نے کہا کہ بروقت ترقی ہر آفیسر کا بنیادی حق ہے۔ترقی ملنے سے افسران اور اہلکاروں کی کارکردگی میں مزید بہتری اور نکھار پیدا ہوگا۔ شہریوں کیلئے آسانیاں پیدا کرینگے۔مزید ترقی کیلئے محکمانہ کورسز باقاعدگی سے مکمل کریں۔سائلین کیساتھ عزت سے پیش آئیں اور انہیں انصاف کی فراہمی یقینی بنائیں۔ بدعنوانی اور اختیارات سے تجاوز پر ملنے والی سزائیں ان کی محکمانہ ترقی میں بڑی رکاوٹ بن جاتی ہیں۔  افسران اور اہلکار  مسائل کے حل کیلئے بلاجھجک دفتر آئیں۔