چمن )اے پی پی(مردہ کاریز روڈ پر پک اپ الٹنے سے 3 بچوں  سمیت 4 افراد جاں بحق ، 3 زخمی ہوگئے۔چمن کے علاقے مردہ کاریز روڈ پر بائی پاس کے قریب تیز رفتار پک اپ ڈاٹسن الٹنے سے 3 بچوں سمیت چار افراد جاں بحق جبکہ ایک بچے سمیت 3 افراد زخمی ہوگئے ۔اسسٹنٹ کمشنر چمن سٹی شہزاد علی زہری کے مطابق پک اپ ڈاٹسن تیز رفتاری کے باعث بریک فیل  ہونیکی وجہ سے الٹ گئی جس میں سوار 3 بچوں سمیت 4 افراد جاں بحق ہوگئے جبکہ ایک  بچے سمیت 3 افراد زخمی ہوگئے ہیں۔جاں بحق  ہونے والوں میں فرید ،محمد صابر ،محمد رمضان اور ایک اور شخص شامل ہیں،جبکہ زخمیوں میں سیف اللہ ،قدرت اللہ اور جلال الدین شامل ہیں۔زخمیوں اور لاشوں کو فوری طور پر سول اسپتال چمن منتقل کردیا گیا ہے۔