پاکستان ہاکی فیڈریشن نے قومی سینئر ٹیم مینجمنٹ کا اعلان کردیا
لاہور(سپورٹس رپورٹر)پاکستان ہاکی فیڈریشن نے قومی سینئر ہاکی ٹیم مینجمنٹ کا اعلان کردیا، صدر پاکستان ہاکی فیڈریشن برگیڈیئر رخالد سجاد کھوکھر کی منظوری کے بعد سیکرٹری جنرل پی ایچ ایف حیدر حسین نے قومی سینئر ہاکی ٹیم مینجمنٹ کا اعلامیہ جاری کردیا۔ قومی سینئر ہاکی ٹیم کی مینجمنٹ میں سعید خان منیجر، کوچز پینل میں سیگفرائیڈ ایکمین، ایاز محمود، محمد عثمان شیخ، عمران بٹ اور محمد علی خان اسسٹنٹ کوچ ہونگے۔ابوذرامراو ویڈیوانالسٹ، رانا نصراللہ فزیکل ٹرینر ہونگے۔ یکم نومبر تا 10 نومبر ملائشیا میں کھیلے جانے والے سلطان اذلان شاہ ہاکی کپ میں شرکت کےلئے پاکستان ہاکی ٹیم کی تشکیل اور تیاری کے سلسلہ میں قومی سینئر ہاکی تربیتی کیمپ 25 ستمبر سے عبدالستار ایدھی ہاکی سٹیڈیم کراچی میں ہوگا۔
